Дотуур хувцас гадаад өнгө үзэмжний үндэс суурь болдог. Мөн дотуур хувцасны өнгө эмэгтэйчүүдийн сэтгэл санааны байдалд нөлөөлдөг болохыг тогтоожээ. Бор царайтай эмэгтэйд ягаан, номин цэнхэр, нил ягаан өнгө тохиромжтой байдаг бол цайвар царайтай хүүхнүүдэд ууссан завсарын гэгээлэг өнгийн дотуур хувцас тохирдог аж. Мөн хар, цагаан өнгийн дотуур хувцас бүгдэд тохирдог энэ.
Энэ мэтчилэн бүсгүйчүүдийн гоо үзэсгэлэнгийн далд нууц болсон дотуур хувцасны тухай мэдээллээс хуваалцъя гэж бодлоо.
Онцгой тохиолдолд
Голдуу янз бүрийн өнгийн салангид хөхний даруулга, дотоож өмсдөг байлаа ч онцгой тохиолдолд зориулсан эсвэл зүгээр л үе үе өөрийгөө баярлуулахын тулд өмсөх ганц нэг гоёмсог хослол аваарай. Өмнө нь өмсөхөөс эсвэл авахаас айдаг байсан зүйлийг худалдан ав. Тэгээд ч гоёмсог дотуур хувцас өмссөн эмэгтэй өөртөө илүү итгэлтэй болдог нь батлагдсан.
Мартаж болохгүй дүрэм
Хувцасны цаанаас дотоожны оёдол, хөхний даруулганы мөр товойж цухуйх ёсгүй. Та унхиагүй, бас бүдүүн харагдах аюултай үүнээс гадна дотуур хувцас бариу бол биений тань өөг улам тодосгоно.
Хөхний даруулга ямар байх ёстой гэж
Хөхний даруулга сонгохдоо зөвхөн гадаад үзэмжийг нь анхаараад зогсохгүй өөрийнхөө хэмжээнд тааруулж сонгоорой.Жижигхэн хөхтэй бүсгүйчүүд хэтэрхий дээш өргөдөг даруулга сонгох хэрэггүй харин том хөхтэй бүсгүйчүүд хөхийг аль болохоор сайн хаасан аяга томтой бас сайн өргөдөг даруулга сонгоорой.
Зөв арчилж угаах хамгийн чухал
Дотуур хyвцасыг голдуу нимгэн эмзэг даавуугаар хийдэг тул онцгой арчилгаа шаарддаг. Нэг хөхний даруулгаа хэдэн өдөр дараалан зүүлгүй ээлжилж бай. Гараар угаах юм уу эсвэл, угаалгын машиныхаа зохих тохируулгыг нь тааруулж байгаад угаахын зэрэгцээ хэзээ ч бүү машинд хатаа.
Шалгалт сайн үр дүнтэй
Хуучин хувцсаа харамсалгүй хая. Yе үе шүүгээндээ шалгалт хийж сунасан, агшсан эд зүйлсээсээ сал.
Заавал шүү!!!
Биений өнгөтэй хөхний даруулга танд заавал байх ёстой. Зуны цагт хар бараан өнгийн хөхний даруулга зүүх нь хөхний хорт хавдарыг үүсэх шалтгаан болдог гэдгийг та лав сонссон бай. мөн мөрийг нь янз бүрээр сольж болдог даруулга тун ашигтай эд. Мөрийг нь аваад зүүж болно, эсвэл хүзүүгээр ороодог мөртэй болгох зүгээр хувцсандаа тохируулан яаж л бол яаж өөрчилж болдог.
Эцэст нь хэлэхэд дотуур хувцсаа зөв сонгох нь гадуур хувцас сонгохоос дутахгүй чухал. Зөв сонгосон дотуур хувцас биений өөг далдалж бас гоо сайхныг тодотгодог. Хамгийн гол нь өөрийнхөө хэмжээнд тааруулан сонгох хэрэгтэй.
